--Sciuànna! Cumm' ncàpo mo ti iè vnùto
ri ti piglià lu fasciatùro mio?...
L'avìa appuscìat quà, mo iè sparùto,
tu vìr quìro Crist'! e quìr Iddio!..
Càccia lu fascitùro, sno so guai;
fazz' na còsa, ch' àggio fatt' mai.
-- Tu vài mpaccià, nun àggio vist' niènte;
che sàccio che fài tu ndo sta funtàna?...
--Io sàccio ca sì làdr', e si fitente;
càccia lu fasciaturo, ruffiana.
(raccussì accummenzn' a fa zichizolla
Sciuanna Tringhidd e Maria La 'nghiolla).
-- Io la ruffiana?! La ruffiana tu...
ah...ah..ah...ah...ah...! Nun mi fa parlà...
-- Càccilo, mena; t'l'hai pigliàto ti;
càccilo, mèna; nun mi fa arrabbià...
Sno, sno, sno...Vi ca piglio nu piscòne,
e ti tòm'l nterra!-- Ah, nu piscòne?
T' vògli' mett' la cannafòca, Mariella;
t' vogli' scippà i zidd' a ùno a ùno;
t' vogli' auzà r' andrèt la unnella;
pizzichiarti lu quìr a punzuddùno;
e t' vogli' caicià la pittinessa;
nghiolla, nghiolla, e latr' ri te stessa!...
-- Ah! mariuncedd' e birbanta, scrufòne,
t' vogli' pìla la quèr pi tutt' i Santi!
T' l' hann fatt quant' a nu purtòne,
e t' hài t' nùt, e tièni tanti e tanti;
sì pesci ri la rigina Sciuanna...
t' vogli' mett' la cannafòca ncanna!...
-- Ah! grannissìma scrofa e gran sciummenta,
chi puozz' scittà lu sang' miezz' a la vìa
chi ti pòzzino strùre la simenta
ri la famiglia tòia, e accussissìa!...
Aspièttami, ti vòglio cunzulà...
S' afferr'no, e si rann'' lu baccalà.
Ma vi, ma vi, ca mo vène locc', locc'
nu Uàrdia buòno ri lu Municiplo,
si ionn' a quère càne ri Sant' Rocc'
ri scàra, e po si chiant' cumm' a nu pìplo
e rìce: sciàte, sciàte tutte ròie
rai marìt' a farvi pasà ri fòie.
di Vincenzo Maria Granata
Nessun commento:
Posta un commento